വൈവിധ്യമാര്‍ന്ന വിശ്വാസങ്ങളുടെ നാടാണ് ഇന്ത്യയെന്നും എല്ലാവരുടെയും മതസ്വാതന്ത്ര്യം സംരക്ഷിക്കുന്നതിനുള്ള പ്രതിബദ്ധത ഉയര്‍ത്തിപ്പിടിക്കാന്‍ രാജ്യം തയ്യാറാകണമെന്നും ഇന്ത്യയോട് ആവശ്യപ്പെട്ട് യു.എസ്.
ചൈന, പാകിസ്താന്‍, മ്യാന്‍മര്‍ എന്നിവയുള്‍പ്പെടെ 12 രാജ്യങ്ങളെ ഈ രാജ്യങ്ങളിലെ മതസ്വാതന്ത്ര്യത്തിന്റെ നിലവിലെ അവസ്ഥയെക്കുറിച്ച്‌ “പ്രത്യേക ആശങ്കയുള്ള രാജ്യങ്ങള്‍” ആയി യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കന്‍ വെള്ളിയാഴ്ച പ്രഖ്യാപിച്ചു. ലോകമെമ്ബാടുമുള്ള സര്‍ക്കാരുകളും അതിന്റെ അധികാരികളും വിശ്വാസങ്ങളുടെ പേരില്‍ വ്യക്തികളെ ഉപദ്രവിക്കുകയും ഭീഷണിപ്പെടുത്തുകയും ജയിലിലടക്കുകയും കൊല്ലുകയും ചെയ്യുന്നു.
എന്തുകൊണ്ടാണ് ഇന്ത്യയെ മനുഷ്യാവകാശ പ്രശ്‌നത്തില്‍ പ്രത്യേക ഉത്കണ്ഠയുള്ള രാജ്യമായി യു.എസ് സര്‍ക്കാര്‍ പ്രഖ്യാപിക്കാത്തത് എന്ന ചോദ്യത്തിന് മറുപടിയായി, ഇന്ത്യ ലോകത്തിലെ ഏറ്റവും വലിയ ജനാധിപത്യ രാജ്യമാണെന്നും വൈവിധ്യമാര്‍ന്ന വിശ്വാസങ്ങളുടെ ആസ്ഥാനമാണെന്നും സ്റ്റേറ്റ് ഡിപ്പാര്‍ട്ട്‌മെന്റ് വക്താവ് നെഡ് പ്രൈസ് മറുപടി പറഞ്ഞു.
“അന്താരാഷ്ട്ര മതസ്വാതന്ത്ര്യത്തെക്കുറിച്ചുള്ള ഞങ്ങളുടെ വാര്‍ഷിക റിപ്പോര്‍ട്ട്, ഇന്ത്യയെ സംബന്ധിച്ചിടത്തോളം ഞങ്ങള്‍ ശ്രദ്ധിച്ച ചില ആശങ്കകളുടെ രൂപരേഖ നല്‍കുന്നു. എല്ലാ രാജ്യങ്ങളിലെയും മതസ്വാതന്ത്ര്യ സാഹചര്യം ഞങ്ങള്‍ ശ്രദ്ധാപൂര്‍വ്വം നിരീക്ഷിക്കുന്നത് തുടരുന്നു. അതില്‍ ഇന്ത്യയും ഉള്‍പ്പെടുന്നു” -പ്രൈസ് ചൊവ്വാഴ്ച മാധ്യമപ്രവര്‍ത്തകരോട് പറഞ്ഞു. മതസ്വാതന്ത്ര്യം സംരക്ഷിക്കാനുള്ള പ്രതിബദ്ധത ഉയര്‍ത്തിപ്പിടിക്കാന്‍ ബൈഡന്‍ ഭരണകൂടം ഇന്ത്യന്‍ സര്‍ക്കാരിനെ പ്രോത്സാഹിപ്പിക്കുന്നത് തുടരുമെന്നും അദ്ദേഹം പറഞ്ഞു. ലോകത്തിലെ ഏറ്റവും വലിയ രണ്ട് ജനാധിപത്യ രാജ്യങ്ങളായ അമേരിക്കയും ഇന്ത്യയും ശാശ്വതമായ ഒരു പദ്ധതിക്ക് പ്രതിജ്ഞാബദ്ധരാണെന്നും അദ്ദേഹം പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ക്രൈസ്തവചിന്തയുടേതല്ല അഭിപ്രായങ്ങളുടെ പൂര്‍ണ ഉത്തരവാദിത്തം രചയിതാവിനായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.