ഇടയ്ക്കാട് കൺവൻഷൻ ആരംഭിച്ചു; ഡോ. ജോമോൻ ജോയിയെ ഇന്ന് ആദരിക്കും

ഇടയ്ക്കാട് കൺവൻഷൻ ആരംഭിച്ചു; ഡോ. ജോമോൻ ജോയിയെ ഇന്ന് ആദരിക്കും

അടൂർ :ജീവിതത്തിലെ പ്രതികൂല സാഹചര്യങ്ങളോടു വിശ്വാസത്താൽ പോരാടി  രസതന്ത്ര ശാസ്ത്രത്തിൽ കോട്ടയം  മഹാത്മാഗാന്ധി യൂണിവേഴ്സിറ്റിയിൽ നിന്നും  ഡോക്ടറേറ്റ് നേടിയ ഇടയ്ക്കാട് കുടുംബം കൂട്ടായ്മ അംഗം കൂടിയായ പോരുവഴി, ചാത്താകുളം സ്വദേശി ഡോ. ജോമോൻ ജോയിയെ ഇന്ന് നടക്കുന്ന കൺവൻഷനിൽ ആദരിക്കും. ഐപിസി കൊല്ലം സെന്ററിലെ ഒരു ശുശ്രൂഷകനായ പാസ്റ്റർ ജെ ജോയിയുടെ മകനാണ് ജോമോൻ ജോയി.  THERMOPLASTIC TOUGHENED EPOXY BASED BLENDS AND NANOCOMPOSITES ലാണ് ഗവേഷണം പൂർത്തിയാക്കിയത്.

ഐപിസി എബനേസർ ഇടയ്ക്കാട് സഭാംഗമായ ജോമോൻ യുവജന സംഘടനാ രംഗത്തും സജീവമാണ്. അടൂർ വെസ്റ്റ് സെന്റർ പി വൈ പി എ യുടെ ട്രഷറർ, ജോയിന്റ് സെക്രട്ടറി എന്നീ പദവികൾ വഹിച്ചിട്ടുള്ള അദ്ദേഹം നിലവിൽ വൈസ് പ്രസിഡണ്ട് ആണ്. 15 വർഷത്തെ സംഘടനാ പരിചയമുള്ള അദ്ദേഹം മികച്ച മാതൃക അധ്യാപകൻ കൂടിയാണ്. വിവിധ പ്രൈവറ്റ് സ്ഥാപനങ്ങളിൽ അധ്യാപകനായും, കൗൺസിലർ, യുവജന പ്രവർത്തകൻ എന്നീ നിലകളിലും ശ്രദ്ധേയനാണ്.

സാമ്പത്തിക ബുദ്ധിമുട്ടുകളും ജീവിത വെല്ലുവിളികളെയും തരണം ചെയ്താണ് ജോമോൻ ഈ നേട്ടം കൈവരിച്ചത്.

ഇടയ്ക്കാട് കുടുംബം കൂട്ടായ്മയാണ്  ഇടയ്ക്കാട് കൺവൻഷൻ ഒരുക്കുന്നത്.
2017 ൽ ആരംഭിച്ച ഒരു വാട്സാപ്പ് കൂട്ടായ്മയാണ് ഇടയ്ക്കാട് കുടുംബം. ഉയർന്ന ആത്മീക കാഴ്ചപ്പാടും ക്രമീകൃതമായ പ്രവർത്തനവും കൊണ്ട്  ശ്രദ്ധേയമാവുകയാണ് ഇടയ്ക്കാട് കുടുംബം കൂട്ടായ്മ. ഒരു വാട്സാപ്പ് ഗ്രൂപ്പിൻ്റെ ആത്മീക സാധ്യതകൾ പരമാവധി പ്രയോജനപ്പെടുത്തി മുന്നേറുന്ന കുടുംബം കൂട്ടായ്മ ഒരുക്കിയ ഐക്യ കൺവൻഷൻ ശാരോൻ ഫെലോഷിപ്പ് ചർച്ച് കടമ്പനാട് സെൻ്റർ പാസ്റ്റർ വി.എം. ജേക്കബ് ഉദ്ഘാടനം ചെയ്തു.പാസ്റ്റർ ഷാബു ജോൺ അദ്ധ്യക്ഷത വഹിച്ചു. പാസ്റ്റർ സുഭാഷ് കുമരകം മുഖ്യ പ്രസംഗം നടത്തി. ഹെവൻലി ബീറ്റ്സ് സംഗീതാരാധന നയിച്ചു.

ഇന്നു വൈകിട്ട് ആറിനു നടക്കുന്ന കൺവൻഷനിൽ പാസ്റ്റർ അജി ആൻ്റണി മുഖ്യ പ്രസംഗം നടത്തും.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ക്രൈസ്തവചിന്തയുടേതല്ല അഭിപ്രായങ്ങളുടെ പൂര്‍ണ ഉത്തരവാദിത്തം രചയിതാവിനായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published.

error: Content is protected !!