യുക്രൈ​ന്‍ അധിനിവേശം; റഷ്യന്‍ ആവശ്യങ്ങള്‍ ന്യായം: സിപിഎം

യുക്രൈ​ന്‍ അധിനിവേശം; റഷ്യന്‍ ആവശ്യങ്ങള്‍ ന്യായം: സിപിഎം

ന്യൂഡല്‍ഹി: റഷ്യയുടെ യുക്രൈ​ന്‍ അധിനിവേശത്തില്‍ പ്രതികരണവുമായി സിപിഎം. യുക്രൈ​നെ നാറ്റോയില്‍ ഉള്‍പ്പെടുത്താനുള്ള നീക്കം റഷ്യക്ക്​ ഭീഷണിയാണെന്ന്​ സിപിഎം പോളിറ്റ്​ ബ്യൂറോ പ്രസ്താവനയില്‍ പറഞ്ഞു.

എന്നാല്‍, റഷ്യയുടെ സൈനിക നടപടി ദൗര്‍ഭാഗ്യകരമാണെന്ന്​ വിലയിരുത്തിയ സിപിഎം, യുദ്ധം ഉടന്‍ അവസാനിപ്പിക്കുകയും സമാധാനം പുനസ്ഥാപിക്കുകയും വേണമെന്നും ആവശ്യപ്പെട്ടു.

സോവിയറ്റ് യൂണിയന്റെ പതനത്തിന് ശേഷം, യുഎസിന്റെ നേതൃത്വത്തിലുള്ള നാറ്റോ കിഴക്കന്‍ രാജ്യങ്ങളിലേക്ക് വികസിപ്പിച്ച്‌ കൊണ്ടിരിക്കുകയാണ്. റഷ്യക്ക് നല്‍കിയ ഉറപ്പിന് വിരുദ്ധമാണിത്. യുക്രൈനെ നാറ്റോയില്‍ ചേര്‍ക്കാനുള്ള നീക്കം റഷ്യയുടെ സുരക്ഷയ്ക്ക് ഭീഷണിയാണ്. കിഴക്കന്‍ യൂറോപ്പിലെ അതിര്‍ത്തി പ്രദേശങ്ങളിലെ നാറ്റോ സാന്നിധ്യത്തില്‍ റഷ്യയ്ക്ക് ആശങ്കയുണ്ട്. യുക്രൈന്‍ നാറ്റോയില്‍ ചേരരുത് എന്നത് ഉള്‍പ്പെടെയുള്ള റഷ്യന്‍ ആവശ്യങ്ങള്‍ ന്യായമാണെന്നും സിപിഎം പ്രസ്താവനയില്‍ പറയുന്നു.

റഷ്യ ഉന്നയിച്ച സുരക്ഷാ ആശങ്കകള്‍ തള്ളിക്കളയുകയും മേഖലയിലേക്ക് കൂടുതല്‍ സൈന്യത്തെ അയയ്ക്കുകയും ചെയ്ത യുഎസിന്റെയും നാറ്റോയുടെയും നടപടി സംഘര്‍ഷം വര്‍ധിപ്പിച്ചെന്നും പ്രസ്താവനയില്‍ പറയുന്നു. സമാധാനം പുനസ്ഥാപിക്കുന്നതിന് കിഴക്കന്‍ യുക്രൈനിലെ ഡോംബാസ് പ്രവിശ്യയിലെ ജനങ്ങളുടെ ഉള്‍പ്പെടെ ആശങ്കകള്‍ അഭിസംബോധന ചെയ്യപ്പെടണം. കൂടിയാലോചനകള്‍ പുനരാരംഭിക്കുകയും എത്രയും വേഗം ധാരണയില്‍ എത്തുകയും വേണമെന്നും സിപിഎം പ്രസ്താവനയില്‍ വ്യക്തമാക്കുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ക്രൈസ്തവചിന്തയുടേതല്ല അഭിപ്രായങ്ങളുടെ പൂര്‍ണ ഉത്തരവാദിത്തം രചയിതാവിനായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Leave a Reply

Your email address will not be published.

error: Content is protected !!